Hoxe, martes 28 de xaneiro de 2020, a Xunta emitía unha nota de prensa que comezaba así:
“A Dirección Xeral de Calidade Ambiental e Cambio Climático acaba de emitir unha declaración de impacto ambiental (DIA) negativa con relación ao proxecto de actualización da explotación da Mina de Touro”.
Esa primeira frase, tan largamente esperada, loitada día a día durante máis de dous anos, manténdonos en pé coa forza que dá a razón , era tan impactante que seguro que moitos e moitas tivemos que pararnos a lela dúas veces.
Esta é unha batalla ganada, non a guerra, pero danos folgos. É tan difícil ser un “David” e loitar contra un “Goliat” que é esperanzador cando a perseverancia, o traballo, a empatía de loitas similares e de boa parte da sociedade dán os seus froitos.
Graciñas a tódalas persoas que nos axudástedes, que nos déstedes voz e camiñástedes ao noso carón. Un abrazo enorme.
Mina non!!
Mina Touro - O Pino NON 
Deixar un comentario