Mina Touro – O Pino NON

Dos derradeiros párrafos do anuncio publicado no DOG do 22 de novembro, polo que se somete a exposición pública o proxecto de Cobre San Rafael, parece desprenderse que pode haber máis bens afectados que os incluídos na xa extensa listaxe

Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos

Botando a vista atrás, cando o 24 de xuño o goberno o declarou estratéxico, indicábase que “O proxecto de explotación abarca unha superficie de 812 hectáreas…”. Cabe preguntase logo cál é a suma das superficies dos 953 bens incluídos para Touro, e os 826 para O Pino.

A superficie dos bens afectados incluídos na listaxe do DOG concorda coas 812 Ha anunciadas?

Tal como aparecen publicadas no texto do anuncio do DOG, a suma ascende a 6.696.486 m² (669,65 Ha), co que a priori parece que si faltarían bens por incluír. Cunha ollada máis en profundidade, rápidamente afloran datos sospeitosos de non seren correctos. Así, o último ben incluido na lista para o Concello de Touro (número 953, ref. cat. 000400300NH54E ) aparece no listado coa área en branco:

Se localizamos esa referencia catastral na web do Catastro atopamos unha finca de 1.723.670 m2 (máis de 172 hectáreas!!) que se corresponde aproximadamente coa zona da Corta de Bama

---

Completando esa cela na listaxe de bens, o cómputo de hectáreas afectadas ascendería a 669,65+172,37=842,02 Ha…que xa excede as 812 anunciadas!! Pero a simple vista a listaxe contén máis datos “estraños” como fincas con escasíssima superficie. Por exemplo, o ben 621 do Concello de Touro aparece no listado con apenas un metro cadrado de superficie:1,12m2

Se novamente facemos a comprobación da superficie coa que consta no Catastro atopamos que son 1120m²

E se acudimos á capa do visor da cartografía da Xunta, localizamos a finca e a “medimos” de forma aproximada atopamos unha superficie coherente co Catastro:

Isto sucede con alomenos 49 bens incluídos na listaxe para o Concello de Touro que siguen o patrón anterior, a maioría con superficies ridículamente pequenas que ao consultar en Catastro se multiplican por 1000: 1.120 m2 en vez de 1,12 m2, 6.520m2 en vez de 6,52m2 etc…. Feitas esas correccións a superficie afectada ascendería a 9.147.025m2, é dicir 914,7 hectáreas!!!…

Non obstante, é imposible afirmar con rotundidade que esa sexa a cifra final correcta, xa que tamén se atoparon, sen realizar unha busca exhaustiva, referencias catastrais, que segundo a web Catastro, non se corresponden con ningún ben: por exemplo o número 180 da listaxe de Touro. Esa superficie habería que detraela do cómputo total….ou cambiala polas fincas correctas se é que se trata dun erro…

A superficie afectada aproxímase ás 1000 hectáreas?

Algúns informes da propia empresa ofrecen esa cifra, así o informe técnico de prefactibilidade do “Proxecto Touro” elaborado por Alan C.Noble para Atalaya Mining confirma unha dimensión real do proxecto de 1060 hectáreas ( compre lembrar que a superficie afectada na actualidade pola mina dos 70-80 é dunhas 520 hectáreas, polo que prácticamente se duplicaría)

El Proyecto tiene un área de influencia de aproximadamente 1.060 ha, mientras que el total de derechos mineros (investigación y explotación) de la concesión cubren un área de aproximadamente 2.744 ha.

Alan C. Noble, enxeñeiro e propietario de Ore Reserves Engineering, con sede en Colaborado (USA), é autor habitual deste tipo de informes de prefactibilidade. A superficie que proporciona no seu informe está en consonancia coa que se obtén da listaxe do DOG tras efectuar as correccións daqueles erros máis avultados. Polo tanto, pode estar ocultándose á cidadanía as verdadeiras dimensións do proxecto que se achegaría as 1000 hectáreas

Urxe unha rectificación rigorosa da listaxe publicada, que está plagada de erros, e constitúe unha falta de respeto á veciñanza: por riba de que se pretenda expropiar os seus bens teñen que andar escudriñando se a súa leira está incluída ou se a superficie que consta é a correcta, etc. Doutra banda é totalmente impropio dun proxecto “altamente tecnolóxico” “deseñado en base á excelencia e as mellores técnicas dispoñibles” segundo o calificaban os seus promotores na prensa

Tan ben deseñado está que nen sequera ten delimitado a cantas hectáreas afecta?