A creación de emprego é a primeira bandeira que enarboran as empresas e os defensores dun proxecto mineiro, e continuamente se amosan supostos referentes que acrediten esa afirmación.
A principios deste ano publicábase na páxina dos chamados mineiros, un mapa de España no que se amosaba a Huelva como unha provincia cun comportamento excelente respecto ao paro, unha sorte de reducto nun mapa co sur tinguido de roxo. E afirmábase :
“Según vemos en la imagen, es en la provincia de Huelva donde mejor se comporta la tasa de empleo. Estamos convenvidos de que es gracias a la apuesta de la Junta de Andalucía por la minería en esa provincia”
Qué hai de certo nesa afirmación?
A provincia de Huelva pechou o 2020 sendo a peor provincia española en canto a datos de paro, segundo os datos publicados polo Instituto Nacional de Estadística (INE) relativos a Encuesta de Población Activa (EPA), que é a que proporciona os datos oficiais relativos ao comportamento do mercado laboral.
A tasa de paro en Huelva situábase no último trimestre do 2020 no 27,16%, sendo a provincia co paro máis alto de toda España.
Uns días máis tarde, publicábase a cifra de paro rexistrado do mes de xaneiro de 2021, un dato que se publica mensualmente é que recolle as cifras dos demandantes de emprego no SEPE, Servicio Público de empleo estatal. Nese mes de xaneiro de 2021, en Huelva, diminuían os anotados no paro en 1851 persoas, é dicir, nese mes non aumentaba o número de parados inscritos. Esa era toda a noticia.
E nin tan sequera se debía a “apuesta de la Junta de Andalucía por la minería en esa provincia”, senón a que comezaba a campaña de recollida dos froitos roxos e o campo demandaba temporeiros. Durante eses primeiros meses de 2021 mes a mes fóronse producindo descensos no número de parados debido a esa campaña….ata que remata: en xuño xa volve a notarse unha subida.
Esa compoñente estacional no comportamento do emprego en Huelva fai que a taxa de paro EPA relativa ao segundo trimestre supere en pouco máis dun par de puntos porcentuais á da nosa provincia, como se observa tanto no 2020 como no 2021, pero en trimestres como o cuarto de 2020 a distancia é abismal, máis do doble: 11,63% para A Coruña e 27,16% en Huelva
Esa é a realidade da provincia de Huelva nun contexto no cal están en funcionamento a mina de Atalaya Mining en Riotinto, e tamén as de Matsa( Aguas teñidas, Magdalena…), é facil imaxinar a situación de crise no momento en que cese a actividade…
Presentar os datos desta maneira, dando a entender un bó comportamento do emprego na provincia onde está situada a explotación mineira que se pretende traer aquí, cando realmente se sitúa entre as peores de España, ten un nome … pero é tan elocuente que nin cremos necesario mencionalo.
O lector mesmo pode sacar as súas conclusións.
Categorías:mina touro o pino non
Mina Touro - O Pino NON 
2 Comments